руфет | м.
Облека; мода во облекувањето. Го поднови руфетот.
руча | св. и несв.
Изеде, јаде ручек. Аргатите седнаа да ручаат. Гостите ручаа пастрмка на скара. Секој петок тој руча посен грав.
ручек | м.
Оброк што се јаде напладне. Готви ручек секој ден. Ги викнаа сватовите на ручек. Свечен ручек.
ручка | несв.
Во детскиот говор ‒ јаде. Сега детето ќе ручка супа.
ручок | м.
рушвет | м.
Бакшиш како поткуп, мито за завршена работа или што треба да се заврши. Не даде рушвет и молбата му беше одбиена.
рушветчија | м.
Оној што прима рушвет.
рушветчилак | м.
Давање и примање поткуп.
руши | несв.
Претвора во урнатини, разурнува, урива. Градежните работници ја рушеа старата зграда. Ураганот рушеше куќи, далноводи.
рушител | м.
Човек што руши, што урива, што уништува нешто. Рушителите на старата фабрика ја започнаа својата работа рано наутро.
