сабјест | прид.
Што има форма на сабја. Сабјест лист. Сабјести заби.
сабјолик | прид.
Што личи на сабја; сабјест.
сабота | ж.
Шести ден од неделата, ден по петокот. Таму сабота е пазарен ден. В сабота заминува. Во саботите планинареше.
саботажа | ж.
Тајна, однапред смислена активност со цел попречување на процесот на работа на претпријатие, организација и др. Подготвуваа саботажа. Се случуваа саботажи, бојкоти, протести.
саботажен | прид.
Што се однесува на саботажа. Саботажна активност. Саботажни акции.
саботен | прид.
Што се однесува на сабота. Саботна вечер. Саботно попладне.
саботер | м.
Тој што прави саботажа. Млад саботер. Саботерот беше фатен.
саботерски | прид.
Што се однесува на саботер и саботерка.
саботерство | ср.
Активноста на тој што е саботер. Нивните постапки не можат никако поинаку да се протолкуваат освен како саботерство.
саботира | несв.
Прави саботажа. Тој ја саботираше работата на проектот. Со нивното отсуство ја саботираа конференцијата.
