чади | несв.
Испушта чад. Оџаците на куќите деноноќно чадеа. Во пепелникот чадеше запалена цигара.
чадлив | прид.
Што пушта многу чад. Чадливо огниште. Чадливи дрва. Чадлива ламба. Чадливи факели.
чадовина | ж.
Мирис на чад. Замириса на неприајтна чадовина.
чадор | м.
Прирачна направа од жици и платно што штити од дожд или од сонце. Машки чадор. Женски чадор. Чадор за сонце.
чадорест | прид.
Што има форма на чадор. Чадорести фустани. Чадорест цвет.
чадорџија | м.
Тој што изработува или што поправа чадори.
чаен | прид.
Што се однесува на чај. Чајно печиво. Чајна маса. Чајни филџани.
чаир | м.
Ливада, полјана, пасиште. Децата играа на чаирот над селото.
чај | м.
(бот.) Тропско или суптропско растение од чии листови се подготвува чај; Camellia sinensis; Thea chinensis. Плантажи чај.
чајанка | ж.
Забава на која се служи чај.
