шаваспур | м.
Вид тенка, проѕирна ткаенина од свила или од лен, газа. Кошула од шаваспур.
шавне | св.
Престане да мирува, мрдне. Во тревата нешто шавна. Птицата на дрвото шавна.
шагрен | м.
Специјално обработена кожа што се користи за изработка на чевли и сл.
шадрван | м.
Фонтана, водоскок, чешма со повеќе отвори. Прекрасен шадрван во градината. Разнобојни цвеќиња околу шадрванот.
шажбој | м.
Ниска од стари, бели парички заплетена во косата што ја носеле девојките.
шаин | м.
Сокол дресиран за лов.
шаит | м.
Очевидец, сведок.
шајак | м.
Вид цврсто ткаен материјал од волна, груба и цврста ткаенина; сукно. Домашен шајак. Квалитетни и скапи шајаци за изработка на машка облека. Дебел шајак.
шајачен | прид.
Што е направен од шајак. Шајачни панталони. Шајачно палто. Шајачен елек.
шајбна | ж.
Дел од некоја машина, возило, трактор – плочка (метална, пластична, гумена и сл.) во вид на прстен што се става под навртка за подобро затегнување; прстенест ремен. Движењето се одвива преку оската на големата шајбна.
