ќурдија | ж.
Машка или женска горна облека, изработена од клашна, без ракави, долга до колената.
ќурк | м.
Долга горна облека опшиена, поставена со крзно.
ќурчија | м.
Занаетчија што изработува ќуркови и кожуви; крзнар, кожувар.
ќурчилак | м.
Ќурчиски занает.
ќурчиски | прид.
Што се однесува, што припаѓа на ќурчија. Ќурчиски занает. Ќурчиски дуќан.
ќускија | ж.
Железен лост од едната страна зашилен, а од другата тап, што се користи за подигнување товар, за правење дупки во земја и др.
ќуспе | ср.
Остатоци од семето на маслодајни растенија откако од него ќе се исцеди маслото.
Ќустендил | м.
Град во Пиринска Македонија, Бугарија.
ќути | несв.
Не зборува, молчи. Тој ќутеше и гледаше во неа.
ќутлив | прид.
Што малку зборува, што не сака многу да зборува; молчалив. Тие беа самотници, повлечени и ќутливи луѓе.
