Резултати за пребарувањето: а
излади | св.
Лади целосно, до крај. Дедо ми ја излади лубеницата и ја донесе на масата. Јас ќе си ги изладам нозеве во реката.
зарупа | св.
Почне да рупа. Магарето ги зарупа корите од лубеницата. Детето ги зарупа бонбоните.
радио- 1 | претс.
Како прв дел од сложенки означува дека вториот дел од зборот се однесува на радио: радиоапарат, радиоврска, радиодрама, радиопредавател.
радува | несв.
Причинува некому радост, задоволство. Ме радува дека вие арно сте поминале. Првпат беа собрани заедно и тоа ги радуваше.
задише | св.
Почне да дише слободно, без тешкотија. Малку по малку се ослободив и задишав со отворени гради. Тој ја распетла кошулата и задиши длабоко.
месија | м.
(рел.) Спасител испратен од Господ.
вчапне | св.
Зграпчи, вчапи.
засади | св.
Почне да сади. Го засадивме кромидот вчера, до утре ќе бидеме готови.
задими | св.
Пушти дим некаде. Оџакот задими.
изгаси | св.
За оган, светлина ‒ направи нешто да престане да гори или да свети. Огнот одамна изгаси. Ветрот одамна ја изгаси свеќата.
