расчекорен | прид.
Што е со позиција на нозете раздвоени една од друга. Расчекорени нозе. Расчекорен кошаркар. Расчекорен спортист.
расчекори се | св.
При стоење раздалечи, рашири нозе една од друга; се најде во положба со подраширени нозе. Полицаецот се расчекори и ги стави рацете на половината. Детето застана пред мене и се расчекори.
расчепатен | прид.
Што е раширен, со непристојна позиција на телото (нозете). Расчепатени нозе.
расчепати | св.
Рашири, расчепи, раздвои нозе докрај. Тој седна и ги расчепати нозете.
расчепи | св.
Премногу раздвои, рашири преку мера, ширум отвори (обично за нозе, уста). Децата ги расчепиле устите, ги рашириле очите и не трепнуваат. Таа ги расчепи нозете и направи шпага. Тој застана среде голот и ги расчепи нозете и рацете.
расчепинозе | ж.
Неморална жена.
расчепиуста | ж.
Жена или маж што многу зборува; алапачка, брборка, брборко. Тој ти е една расчепиуста што ја нема. Сосетката ми е расчепиуста
расчепка | св.
Разгребе, раскопа, чепкајќи со раце, прсти, нокти и сл. Тој си ја расчепка косата. Таа си ја расчепка раната.
расчеречи | св.
Подели на четири дела, расече, одвои на череци; раздели на делови. Тие го расчеречија јагнето. Волците го расчеречиле.
расчет | м.
Сметка, пресметка. Банката прави расчет за да ја провери состојбата. Расчет на кредитот.
