расчетка | св.
Со четкање расчешла, среди, исчетка коса и сл. Таа ја расчетка косата со густа четка. Тој ги расчетка ресите на тепихот.
расчеша | св.
Со чешање разрани, исчеша многу. Тој си ја расчеша раната.
расчешла | св.
Со чешлање уреди коса; направи нешто да биде исчешлано. Таа му ја расчешла косата на девојчето. Тој ги расчешла опашките на коњите. Домаќинката ги расчешла ресите на тепихот.
расчешне | св.
Растргне, раскине, уништи со тргање, со кинење. Волкот го расчешнал јагнето. Таа со раце го расчешна материјалот.
расчини 1 | св.
Раствори, растопи, направи водлесто, водникаво. Таа го расчини квасецот.
расчини 2 | св.
Одземе некому чин, лиши од звање и сл. Капетанот го расчиниле. По оваа случка, попот го расчиниле.
расчисти | св.
Ослободи, исчисти површина од нешто што пречи; среди со чистење. Работниците ги расчистија урнатините. Таа ја расчисти масата. Машините го расчистија патот.
расчита | св.
Прочита стар текст што тешко се чита, усоврши техника на раздвојување на одделните зборови во текст, читање стари текстови ‒ пишувани без празен простор меѓу зборовите. Тој го расчита псалтирот за неколку месеци.
расчита се | св.
Се занесе во читање или почне да чита многу. Децата се расчитаа во второто полугодие. Летото таа се расчита.
расчлени | св.
Оддели, раздели на одделни делови; распредели на подгрупи или едно од друго. Таа ги расчлени прашањата. Тој ги расчлени групите.
