ратај | м.

Земјоделски работник, земјоделец, полјоделец.

ратајство | ж.

Обработка на земјата како стопанска гранка; земјоделство; полјоделство. Во периодот на неговото ратајство тој се разболе.

ратеј | м.

ратификација | ж.

Акт со кој се извршува потврда, прифаќање на меѓународна спогодба или договор, конвенција од страна на овластен државен орган или од определена државна институција. Закон за ратификација на договори. Потребно е да се изврши ратификација на секоја европска спогодба и тоа да биде достапно до јавноста.

ратификува | св. и несв.

Изврши, врши ратификација; потврди, потврдува меѓународен договор. Владата го ратификува овој меѓународен договор.

ратифицира | св. и несв.

раун | м.

Свадбен дар/дарови. Голем и мал раун му подари. Бабата го изнесе раунот за зетот. Таа се грижеше за раунот на девојчето. Како раун му даде везена кошула.

рафал | м.

Зачестена стрелба едноподруго, испукувања без прекини од автоматско огнено оружје. Цела ноќ се слушаа рафали. Рафалот го покоси и тој падна. Рафалот го погоди во раката.

рафален | прид.

Што се прави во рафал. Рафална стрелба.

рафе | ср.

Дел од семката на виновата лоза, средиштен раб во вид на лента. Семката на виновата лоза од внатрешната страна има две бразди низ кои минува рафе.