фустанлак | м.
Материјал за изработка на фустани.
фута | ж.
Ги сопашаа футите и излегоа во дворчето. Надвор седеа занаетчиите со фути преку колената.
футрола | ж.
Кутија, корица, навлака за чување и заштита на предмет, инструмент и сл. Футрола за очила. Тој веднаш го извади пиштолот од футролата. Го врати дурбинот во футролата. Ја извади виолината од футролата и почна да свири.
футур | м.
Глаголска форма со која се искажува идно дејство, идно време.
футуризам | м.
Правец во литературата и во ликовната уметност, настанат во почетокот на 20 век во Италија, кој ја отфрла традицијата и со надворешни, механички средства ја изразува динамиката на градот и на современиот живот.
футурист | м.
Приврзаник на футуризмот.
футуристички | прид.
Што се однесува на футуризам и на футурист. Футуристичка слика. Футуристички правец.
футуролог | м.
Специјалист по футурологија.
футурологија | ж.
Наука што врз основа на факти и искуства се обидува да го предвиди развојот на идните настани, на тоа што претстои.
фуфица | ж.
Прчла, помодарка и сл.
