целувка | ж.

целулит | м.

Воспалување на сврзното ткиво под кожата (обично на нозете, стомакот и задникот) во вид на наталожени масти и вода.

целулоза | ж.

Главен составен дел на растенијата, се употребува за производство на хартија, вештачки влакна, лакови и др. Содржината на целулозата во растенијата е различна.

целулозен | прид.

Што има целулоза, што е од целулоза. Целулозна хартија. Целулозни влакна.

целулоид | м.

Пластична, еластична, многу отпорна и лесно запалива материја што се добива од нитроцелулоза и има широка примена.

целулоиден | прид.

Што се однесува на целулоид, што е од целулоид. Целулоидна топка. Целулоидна лента.

целуне (се) | св.

цемент | м.

Силикатна сива смеса добиена со усвитување на вар и глина која, кога ќе се смеша со вода и песок, станува тврда како камен. Бунар од цемент. Фабрика за цемент.

цементарница | ж.

Фабрика за цемент.

цементен | прид.

Што се однесува на цемент, што содржи цемент. Цементна плоча.