катник | м.
Заб во задниот дел од вилиците што служи за џвакање; катен заб. Катниците се поголеми, пошироки и служат за дробење, мелење на храната.
катода | ж.
Електрода сврзана со негативен пол на извор на елекрична струја;
катоден | прид.
Што се однесува на катода, што потекнува од катода.
католизација | ж.
Преминување во римокатоличка вера; покатоличување.
католизира | св. и несв.
Премине, преминува во римокатоличка вера; покатоличи, покатоличува.
католик | м.
Припадник на западната, римска христијанска вероисповед и заедница.
католицизам | м.
Едно од учењата на христијанската вероисповед на чело со римскиот папа; католичка вероисповед.
католички | прид.
Што се однесува на католик и на католицизам, што припаѓа, што е својствен за католик. Католичка црква. Католичка вера.
катран | м.
Густа и леплива црна течност што се добива при сува дестилација на органски материјали, особено на дрво и јаглен. Беше принуден да прави катран од големите борови во блиската шума.
катраник | м.
Сад во кој се чува катран.
