брав

Значење на брав:

1. Овен. Постариот брат ги пасеше бравите, а помалиот јаловиците. Пушти им ги бравите навреме на овците да се измркаат и да се објагнат совреме, да ги извадиш јагнињата од зимата.

2. Скопен, чукан овен. На планината пред нас пасеа булук брави скопени и јаловици. На пазарот се продаваа чукани одбрани брави.

3. Општ назив за овци и кози. Оддалеку допира ѕвон на клопотарци на бравјето што со полни вимиња се враќаат дома. Ни добитокот ни бравите уште не се истерани на пасење.

Множина: брава, брави, бравје, бравови.

Изведени зборови:

• бравски, прид. бравскиот
• бравче, и. ср. дем.

Фразеолошки израз / поговорка:

Како угич во брави ‒ силен, вообразен.