број

Значење на број:

1. Точно определена вкупност на единици во едно количество; множество. Бројот на заболените се намалува. По бројот на снопјето се одредувал данокот за спахијата.

2. Ознака за лица, предмети, поими изразена со број, административни предмети, телефони, куќи и сл. Нека влезе број пет. Линиите пет и девет не работат. Високиот гледаше во бројот на куќата. Бројот на личната карта се запишува од задната страна на чекот. Телефонскиот број е променет.

3. Ознака за големина на некои производи, обувки, облека и сл. Тој носи чевли број 46. Кошула број четириесет.

4. Дневен или одделен отпечаток од дневен или периодичен печат, отпечаток од списание. Тогаш се издаваат и два броја од весникот „Искра“. Во секој втор број на списанието објавуваме текстови на наши читатели. Таа зеде од масата еден илустриран број и со него се врати во фотелјата.

5. (грам.) а) Вид полнозначен збор со кој се означува количество. Пет леба. Дванаесет души. б) Граматичка категорија: еднина, множина кај менливите зборови.

Множина: броеви, броја.

Изведени зборови:

• бројче, и. ср. Дем. и хип. од број.

Фразеолошки израз / поговорка:

Двоцифрен број. Арапски број ‒ број што се пишува со арапски цифри 1, 2, 3... Римски број ‒ број што се пишува со римски цифри V, I, X. Парен број ‒ број што е делив со два. Непарен број ‒ број што не е делив со два. Главни броеви ‒ броеви кои означуваат количина. Негативен број ‒ број со знакот минус. Реден број. Астрономски број ‒ многу голем број. Без број ‒ неброено многу. Голем број ‒ многу. Не му се сите кози (овци, мајки) на број ‒ не е расположен. Бројот не му се знае, нема број ‒ огромно, неизмерно, неброено количество.