чаша

Значење на чаша:

1. Сад за пиење течност, најчесто од стакло, пластика и др. Винска чаша. Ракиена чаша. Чаша за чај.

2. Количество материја што може да го собере во таков сад, најчесто течност но, и брашно, шеќер и др. Во погачата се става две чаши пченкарно брашно и две чаши пченично брашно. Испивме по една чаша вино. Дај ми една чаша вода.

Множина: чаши.

Изведени зборови:

• чаше, и. ж. мн. чашиња, чашенце, мн. чашенца, чашиче, мн. чашичиња, чашуле, мн. чашулиња ср.; чашичка, мн. чашички дем.

Фразеолошки израз / поговорка:

Дига/дигне чаша ‒ наздрави. Ќе го удави во чаша (капка, леген) вода ‒ не го поднесува, го мрази. Во чаша да го испиеш ‒ се вели за убава жена, маж, дете. Чашата на трпението (се) прелеа ‒ некои работи достигнале кулминација, точка од која веќе не може да се толерира нешто. Испи горчлива чаша ‒ доживеа некоја голема непријатност, тага, лоша среќа.