цица

Значење на цица:

1. За дете, за младенче ‒ шмука млеко од мајка (од гради/виме). Бебето лакомо цицаше. Цицачите цицаат млеко.

2. За инсекти ‒ шмука хранлива течност со помош на специјални органи. Пчелите цицаа поленов прав од цвеќињата. Болвите ја цицаат крвта на животните.

3. За корења на растенија ‒ впива вода и хранливи материи од земјата. Жилите на растенијата цицаа од плодната почва.

4. Шмука, држи нешто в уста. Го цицаше прстот в уста. Ја цицаше затката од шишето.

5. (прен.) Заработува на туѓ грб, искористува нечиј труд. Беговите го цицаа народот. Газдата им ја цицаше потта на работниците.

Множина: цицаат.

Изведени зборови:

• цицање, глаг. им. ср.

Фразеолошки израз / поговорка:

Кротко јагне од две мајки цица ‒ сп. јагне. Цица како смок ‒ цица многу.