едно

Значење на едно:

1. Исто. И луѓето се сите едно, и трудот им е ист на сите.

2. На прво место, како прво. Не сакам да одам, едно, зашто не ми се оди, а друго зашто немам време.

3. Приближно. Јас досега едно десетпати сум патувал со тебе.

4. Како именка – за означување однос на едно нешто наспрема друго нешто. За/на едно зборува, за/на друго мисли. Луѓето можат да мислат дека прават едно, а всушност прават друго.

5. Во составот едно време: а) Некогаш. Беше едно време. б) Кратко, извесно време. Тоа потраја едно време.

6. сврз. а) Со глагол – веднаш по глаголското дејство; штом. Царот, едно узнал за нивната дружба, пратил да ги доведат. И тој, едно ги зеде картите в раце, се замисли. б) Со глаголска именка – веднаш по именуваното дејство, се случува друго дејство. Едно пречекорување, нагазил на мина. Едно доаѓање дома, ѝ кажале кој ја барал.