функција

Значење на функција:

1. а) Професионално или друго задолжение, поле на дејност, работа; служба, должност. Тој имаше висока функција во општеството. Долго време е на раководни функции во фирмата. б) Задача, улога, цел. Воспитната функција на литературата се состои во формирање на личноста. Семинарот успешно ја исполнува својата функција.

2. (биол.) Во биологијата ‒ активност, работа на некој орган, работа на организмот. Белодробна функција. Функција на срцето.

3. (мат.) Зависна променлива големина којашто се менува во зависност од промените на друга големина. Тригонометриски функции.

4. (лингв.) Синтаксичка улога на еден збор или група зборови во реченицата.

Множина: функции.