фурна

Значење на фурна:

1. Ѕидана или електрична печка за печење леб и др. јадења. Од ѕиданата фурна се ширеше топлиот мирис на леб. Јагне печено во фурна.

2. Количество леб што може да се испече истовремено во печка. Замириса првата фурна леб. Фурна леб и два вола не ме наситуваат.

3. Просторија во која се меси и пече леб и др.; продавница за леб; пекарница. Купуваа леб од фурна. Сакаа да отворат фурна во градот.

Множина: фурни.

Изведени зборови:

• фурниче, и. ж. мн. фурничиња ср.; фурничка, мн. фурнички дем. и хип.

Фразеолошки израз / поговорка:

Има да јаде уште многу фурни леб ‒ треба уште многу да учи за да стекне искуство, не е дораснат за некоја работа.