грло

Значење на грло:

1. Горниот дел од внатрешноста на вратот што се наоѓа меѓу усната празнина и хранопроводникот. Ме боли грлото кога голтам.

2. (прен.) Глас. Му зарипна грлото.

3. (прен.) Тесен горен дел од шише; грлушник. Шишето беше полно до грлото.

4. Тесен дел на поток, на река и сл. Прескокнаа кај грлото на потокот.

Множина: грла.

Изведени зборови:

• грлце, и. ср. дем.

Фразеолошки израз / поговорка:

Викна колку што го држи грлото – викна на цел глас. Го стегна нешто во грлото – почувствува болка, тага, страв. До грло – сосема, потполно, целосно. Коска в грло – голема пречка. Му застана зборот (гласот) в грло – од преголема возбуда или страв не може да зборува. Стави нож под грло – доведе некого во тешка ситуација. Тесно грло – место каде што доаѓа до застој во сообраќајот, во производството и др.