индекс

Значење на индекс:

1. Попис, список, регистар по определен ред на поими, имиња и на други податоци во книгите. Индекс на користена литература.

2. (екон.) Број што ги покажува во проценти последователните промени кај некоја економска појава; показател.

3. Број што се става обично на долниот десен агол на буквата со кој се означува некоја вредност. а1, х2.

4. Список на книги забранети и прогласени за штетни од страна на државата или црквата.

Множина: индекси.

Изведени зборови:

• индексен, прид. индексниот

Фразеолошки израз / поговорка:

Студентски индекс ‒ книшка со податоци за студентот во која се внесуваат предметите и оценките на успехот.