искра

Значење на искра:

1. Многу ситна светкава или усвитена честичка што се изделува од нешто што гори или при удар на тврди тела. Од ковачницата вивнаа искри и за миг пламна целиот крај.

2. Ситна честица што блеска при силно осветлување; одблесок. Прстенот како да фрлаше ситни искри на сонцето.

3. (прен.) Мал, ситен дел од нешто, трага од некое чувство и сл. Сè уште не исчезнуваше таа искра надеж во мене. Таков е животот ‒ темница на маки и несреќи, со ретки искри на радост.

Множина: искри.

Изведени зборови:

• искриче, и. ж. мн. искричиња ср., искричка, мн. искрички дем и хип.

Фразеолошки израз / поговорка:

Од искра ‒ пламен ‒ мал незначаен повод за голема караница. Искри фрла (му излегуваат) од очите ‒ многу е лут.