искриви

Значење на искриви:

1. Направи да стане нешто криво. Тој ги искриви металните шипки со специјални клешти.

2. Направи да има отстапување од нормалата, деформира. Детето го искриви 'рбетот со неправилно седење.

3. Даде неприроден израз на лицето, устата и сл. поради незадоволство, гадливост и др.; изобличи. Устата му се искриви од болка.

4. (прен.) Изопачи, изврти нешто, прикаже какво што не е. Ја искриви вистината како што му одговараше.

Коњугација: искриват.

Изведени зборови:

• искривување, глаг. им. ср.
• се ~ искриви, Стане крив (за лица и за предмети). Се искриви во половината по долгото боледување. Му се искриви устата. Дрвјата се искривија под тежината на снегот.
• (се) искривува, глаг. несв. (се) искривуваат

Фразеолошки израз / поговорка:

Искриви врат ‒ нестрпливо исчекува некого, бара со поглед, се врти по некого.