итар

Значење на итар:

1. Што е паметен, интелигентен, умен. Итар си ти, ќе знаеш како да постапиш.

2. Што е остроумен, досетлив, снаодлив, вешт. Со еден итар скок срната им се изгуби од пред очи.

3. Што е лукав. Итри трговци. Итра измама.

Членувана форма: итриот.

Изведени зборови:

• итро, прил. Итро се насмевна.
• итрост, и. ж. сп. итрина. Од него зрачеше итрост и снаодливост.

Фразеолошки израз / поговорка:

Итра лисица среде стапица ‒ кога некој кој обично е поитар од другите ќе биде изигран. Итриот и будалата се токму ‒ човекот треба еднакво да се заштити и од итар човек и од будала. Итар Пејо – лик од народните приказни, многу итар човек.