извор

Значење на извор:

1. Место од каде што извира вода, нафта и сл. На изворот ручавме и се напивме вода. Изворот на реката се наоѓа горе во планината. Тука има многу извори на минерална вода.

2. Место, тело, апарат и сл. од каде излегува некаква енергија: топлотна, светлосна и сл. Светлосен извор. Извор на топлина.

3. (прен.) Основа, причина за некоја појава. Неработењето е извор на сите несреќи. Изворот на заразата. Извор на среќа.

4. Документ, творба од која се зема материјал за научни и други проучувања. Историски извори. Литературни извори. Етнографски извори.

Множина: извори.

Изведени зборови:

• изворец, и. ср. (само едн.) , изворче, дем. кон зн. 1 и 2.
• изворски, прид. изворскиот Што се однесува на извор. Изворска вода.

Фразеолошки израз / поговорка:

На изворот ‒ на вистинското место.