календар

Значење на календар:

1. Систем од правила за сметање на времето, за делење на времето на временски единици (денови, недели, месеци, години); систем по кој се пресметуваат деновите и временските единици поголеми од ден. Грегоријански календар. Јулијански календар.

2. Книга или лист со табела во која се распоредени деновите, неделите и месеците во годината, понекогаш со означени верски или државни празници, астрономски појави и др. Ѕиден календар.

3. Книга, бележник со датуми што служи како потсетник за работните обврски врзани со рок; роковник 4. Годишна публикација со податоци за тековната календарска година со информативен, поучен или забавен карактер, со различна намена. Земјоделски календар. Иселенички календар.

Множина: календари.

Изведени зборови:

• календарски, прид. календарскиот Календарска година. Календарски имиња.
• календарче, и. ср. дем.

Фразеолошки израз / поговорка:

Стар (православен) календар – јулијански календар (според Јулиј Цезар), кој во однос на грегоријанскиот сега заостанува 13 дена. Нов (католички) календар – грегоријански календар (според папата Грегориј XIII по извршената реформа на јулијанскиот календар). Црковен (верски) календар – календар со сите црковни празници во една календарска година. Вечен календар – календар направен за пресметување на познати датуми и подвижни празници во текот на низа години, често со претскажување на одделни настани и појави и др. празноверија.