крвав

Значење на крвав:

1. Што е од крв, во што има крв, што е со крв, што крвави. Крвава флека. Крвава вода. Крвави раце. Крвава рана. Крвав завој.

2. Што е исполнет или постигнат со крвопролевање, со убиство. Крвава битка. Крвава историја. Крвав престол.

3. (прен.) Што е стекнат со тешка мака, што е заработен со голем труд. Печалбарските пари се крвави.

4. (прен.) Што причинува болка, страдање, што е многу мачен. Крвава тага. Крвава болка.

5. (прен.) Немилосрден, строг. Крвав џелат. Крвав арачлија.

6. (прен.) Што е омрзнат, одвратен, неподнослив. Крваво ми е пред очите кога го гледам.

7. (прен.) Што личи на крв, што има боја на крв.

Членувана форма: крвавиот.

Изведени зборови:

• крваво, прил. Крваво се караат.

Фразеолошки израз / поговорка:

Крвави солзи (лее) – голема мака, патење, болка. Крвава пот – голема, напорна, исцрпувачка работа.