лесен

Значење на лесен:

1. Што има мала маса, што тежи малку. Куферот беше лесен.

2. Што е едноставен, што не е сложен; јасен, разбирлив. Задачата беше лесна. Лесна работа.

3. Што е со слаб интензитет. Лесна болест. Лесен сон. Лесен допир.

4. (прен.) Што не размислува многу, лекоумен, лекомислен.

Членувана форма: лесниот.

Изведени зборови:

• лесно, прил. Лесно потскокнуваше наоколу. Лесно ги извршуваше обврските.

Фразеолошки израз / поговорка:

Има лесна рака ‒ сè му оди од рака. Има лесна нога ‒ 1. Има жив темперамент. 2. Каде што се наоѓа, брзо се собираат поголем број луѓе. Со лесно срце ‒ 1. Наивно. 2. Без грижи.