мечка

Значење на мечка:

1. Крупно диво животно обраснато со кафеаво, црно или бело крзно, се одликува со тромавост на движењата; Ursus arctos.

2. (прен.) Крупен, тромав човек.

Множина: мечки.

Изведени зборови:

• мече, и. ср. мн. мечиња и меченце, мн. меченца дем. и хип.
• мечешки, прид. мечешкиот Мечешка трага.

Фразеолошки израз / поговорка:

Голема Мечка / Мала Мечка – (астр.) соѕвездија. Роди мечка – многу се измачи додека заврши некоја работа. Мечка се жени – време кога истовремено врне дожд и грее сонце. Мечка страв, мене не – самоохрабрување при некоја пречка или тешкотија. Ќе ти заигра мечка и пред твоја врата – и тебе може нешто непријатно да ти се случи.