мисла

Значење на мисла:

1. Дејност на умот; мислење, размислување. Човечка мисла.

2. Продукт, резултат на мислењето; идеја. Интересна мисла.

3. Предмет на мислењето. Тоа му беше постојана мисла. а) Грижа. Мислите мир не ми даваат. б) Намера, цел. Со мисла сме да го продадеме станот. в) Помнење, сеќавање. Во мисла му остана убавата девојка.

4. Гледиште, стојалиште, поглед на нешто. Мојата мисла е дека тоа прашање треба итно да се разреши.

5. Знаење, познавање, достигнување. Научна мисла. Техничка мисла.

Множина: мисли.

Фразеолошки израз / поговорка:

Дојде на мисла – смисли, замисли да направи нешто. Потона во мисли – се замисли.