патека

Значење на патека:

1. Тесен пат направен за движење обично на пешаци или набиен од постојано минување. Патека во паркот. Патека сред жита. Патека со песок. Бетонирана патека. Каллива патека Козја патека.

2. Линија по која се движи нешто (бура, ураган, светлина, комета, сателит и сл.), насока на движење. Патека на светлината. Ѕвездена патека.

3. Правец по кој се движи авион, брод и сл.; курс. Патека на летање. Патека на пловење.

4. (спорт.) Специјално подготвена површина на земјиштето за трка или друг спорт. Трчање на кратки патеки. Маратонска патека. Скијачка патека. Патека за спуст. Автомобилска патека.

5. (разг.) Долг, тесен тепих за ходник, скали и сл. Црвена патека пред влезот на хотелот .

Множина: патеки.