песна

Значење на песна:

1. Кратка музичка творба со текст за пеење. Народна песна. Хорска песна. Црковна песна. Се ори песна во селото. Детето потпевнуваше весела песна. Се слушаше далечна песна. Девојчето заспиваше со приспивна песна.

2. Глас на појни птици и некои инсекти (штурци). Птичја песна. Песна на славеј.

3. Помала поетска творба во стихови, стихотворба. Песна за љубовта. Пофална песна за Кирил и Методиј. Збирка песни. Децата рецитираа родољубиви песни.

4. Дел, глава од поема.

Множина: песни.

Изведени зборови:

• песничка, и. ж. дем. Куса песничка. Песничка од три стиха. Детска песничка.

Фразеолошки израз / поговорка:

Си ја испеа песната ‒ заврши неговата кариера, неговиот живот. Стара/иста песна ‒ зборува, прави, работи исто. Лебедова песна ‒ последна или претсмртна творба, последна пројава на својот талент.