поставка

Значење на поставка:

1. Тврдење, формулирана мисла што се изнесува како став. Сеедно од која поставка ќе тргнеме, тешко ќе се определиме за која и да е дефиниција за поезијата. Теоретска поставка.

2. Основно правило, начело. Поистоветувањето на мислата и битието е основна поставка на учењето на старогрчкиот филозоф.

3. а) Поставување на сцена; сценска обработка. Постои сценска разбиеност во режисерската поставка. б) Прикажување на уметнички или културно-историски предмети на изложба, во музеј и сл. според определен план. Во музејот е изложена националната поставка на македонското современо сликарство.

Множина: поставки.