сака

Значење на сака:

1. Има желба, чувствува потреба за нешто. Тој се вртеше, сакаше да го види, ама во толкава толпа не успеа. Сакам да јадам.

2. Љуби некого од спротивниот пол, посакува (лице со кое не е во сродство). Тој силно и искрено ја сакаше својата девојка.

3. Почитува, уважува некого или нешто. Ја сакам класичната музика. Го сакаше својот чичко како татко.

4. Има намера да направи нешто. Сакаше да се понуди за помош, но чувствуваше дека ќе биде одбиен. Тој разбра од погледот што сака да каже.

5. Бара, изискува нешто. Ако сакаш, ќе ти платам веднаш.

6. Пожелува. Од срце сакам да успееш. И јас сакам да го исполниш твојот сон.

7. (само 3 л.) Треба. Сака да се работи, а не само да се зборува. Цвеќињата овенале, сака да се навадат.

Коњугација: сакаат.

Изведени зборови:

• сакање, глаг. им. ср.
• се ~ сака, Се љуби; се почитува. Тие се сакаат уште од деца. Не се гледаа често, но се сакаа и си помагаа во тешките моменти.

Фразеолошки израз / поговорка:

Колку ти душа сака – во изобилство, неограничено. Таков/таква те/ве сакам – поддржува некого, одобрува нечија постапка. Сака-нејќе – мора, нема избор.