семејство

Значење на семејство:

1. Основна општествена единица што се состои од лица обединети со брак, крвно сродство или со усвојување и што претставува едно домаќинство; фамилија. Сиромашно семејство. Земјоделско семејство. Многучлено семејство.

2. (прен.) Група луѓе или општествени заедници што ги поврзува некое општо обележје (дејност, интерес, цел и сл.). Семејство на слободољубивите народи. Семејство на екологистите.

3. Група од единки поврзани по некоја линија. Пчелно семејство.

4. Во научната класификација ‒ група сродни нешта; фамилија, семејства на повеќе родови, животни или растенија. Семејство на почви ‒ група почви што имаат слични профили. Семејство на словенските јазици.

Множина: семејства.