шаман

Значење на шаман:

1. Свештеник кај некои народи (Монголци, Татари и некои верски движења во Јужна Америка). Шаманите го изведуваат својот утрински ритуал.

2. Лице што е поврзано со религиски култ, со моќ да предвидува, еден вид духовно издигнат човек; маг, волшебник, маѓесник. Шаманите секоја Нова година ја предвидуваат иднината на Земјата. Тој се поврза со шаманите и целиот свој имот го остави на децата.

3. (прен.) Шпекулант, човек што заведува луѓе, претставувајќи се себеси со посебна моќ и со натчовечки способности. Појде по еден шаман, а тој околу себе имаше собрано цела група заблудени фанатици. Се претставуваше за шаман и даваше духовни услуги за големи пари.

Множина: шамани.