сив

Значење на сив:

1. Што има боја на пепел, меѓу црна и бела. Сив сокол. Сиво палто. Сиви униформи. Сива пепел. Сиви очи.

2. За време ‒ облачно, смуртено. Сиво есенско утро. Сиво небо.

3. (прен.) Што е еднообразен, неинтересен, безбоен, со еднолична содржина. Сива стварност. Сиви, јалови денови. Сиви еднолични разговори.

Членувана форма: сивиот.

Изведени зборови:

• сиво, прил. Сиво бојадисано.
• сивост, и. ж.

Фразеолошки израз / поговорка:

Сива еминенција ‒ влијателна личност без формален статус. Сива економија ‒ начин на заработување, богатење со непочитување на односите и обврските утврдени со законот и со другите прописи.