смеа

Значење на смеа:

1. (само едн.) Изразување на добро расположение, чувство на среќа, задоволство, радост, веселост со испрекинати карактеристични звуци и мимика на лицето и усните. Од училницата се слушаше смеа. Заразна смеа. Ѕвонлива смеа. Гргорлива смеа.

2. Подбив, потсмев. Им служи за смеа. Ја фатија работата на смеа.

3. Шега, виц. Ги исцрпивме и прикаските и смеите, па легнавме да спиеме.

Множина: смеи.

Фразеолошки израз / поговорка:

Пукне (се скине, умре) од смеа ‒ се смее многу. На смеа на шака ‒ вака или така, што на смеа, што сериозно. Избувна (брвна, прсна) во смеа ‒ се насмее на цел глас. Падне од смеа ‒ се смее многу силно. На смеа ‒ на шега, несериозно. Не ми е до смеа ‒ имам проблеми. Жива смеа ‒ многу смешен.