смртен

Значење на смртен:

1. Што се однесува на смрт. Смртен час. Смртен случај.

2. Што е подложен на смрт, кој мора еднаш да умре. Сите луѓе се смртни.

3. Што предизвикува, причинува смрт, што е смртоносен. Смртен удар. Смртна опасност. Смртни рани.

4. (прен.) Што е многу силен, што е во краен, највисок степен на своето пројавување, интензитет, состојба. Смртен страв. Смртна омраза. Смртна досада.

5. Како им. тој што е смртен. Живееше како секој смртен.

Членувана форма: смртниот.

Изведени зборови:

• смртно, прил. Смртно ранет. Смртно вљубен.

Фразеолошки израз / поговорка:

Смртен грев ‒ (црков.) 1. грев што не може да се искупи; 2. голем порок, недостаток, постапка што не може да се прости. Смртна казна/пресуда ‒ (прав.) најтешка казна или пресуда со која осудениот се лишува од живот. Смртен непријател ‒ опасен непријател. Е на смртна постела ‒ сп. постела.