сребрен

Значење на сребрен:

1. Што е изработен од сребро, што е посребрен или што е извезен со сребро. Сребрен прстен. Сребрени пафти. Сребрен медал. Сребрена статуа. Кошула со сребрен шев.

2. Што содржи сребро. Сребрена жица. Сребрени руди.

3. а) Што е како сребро (по боја, сјај и сл.). Сребрен укит. Сребрена роса. Сребрено езеро. Сребрени мразеви. б) За коса, брада и сл. ‒ побелен, сед. Сребрена брада. Сребрени коси.

4. (прен.) Мелодичен, ѕвонлив. Сребрен глас. Сребрена смеа. Сребрена свадба ‒ дваесет и петгодишнина на брачен живот.

Членувана форма: сребрениот.

Фразеолошки израз / поговорка:

Сребрен јубилеј ‒ прослава на 25 години од некој значаен настан.