страница

Значење на страница:

1. Секоја посебна страна, површина на лист во книга, тетратка и сл. Тестот имаше три страници текст. Во книгата една страница беше скината.

2. Бочна површина на нешто (на разбој, на кола и др.) Ја заврза уздата на страниците на чезата. Низ улиците минуваа коли без страници. Го растовари песокот од камионот и ги крена странците. На самарот, по неговата лева страница виси торбичка.

3. Количество дрва (или друг материјал) за секоја страна од товарот на товарно животно. Татко ми сечеше дрва, а јас и брат ми ги правевме страниците за да ги товараат. Тој ги редеше страниците за товарите.

Множина: страници.

Изведени зборови:

• страничка, и. ж. дем.

Фразеолошки израз / поговорка:

Отвори нова страница ‒ отпочне нешто ново, нов период, нова етапа од нешто.