суров

Значење на суров:

1. (разг.) Што не е приготвен (печен, варен, пржен), жив, свеж. Суров домат. Сурово месо. Сурови пиперки.

2. Што во себе има вода, што е влажен, што не е исушен. Сурови дрва.

3. Што не е обработен, преработен. Суров тутун. Сурова кожа.

4. (прен.) За човек ‒ многу строг, безмилосен, бездушен, свиреп, жесток. Суров поглед. Сурова постапка.

5. (прен.) Неиздржлив, неподнослив. Сурова клима. Сурови услови.

Членувана форма: суровиот.

Изведени зборови:

• сурово, прил. кон зн. 4. Сурово го казни. Сурово го нападна без да рзмислува за последиците.
• суровост, и. ж. кон зн. 4.

Фразеолошки израз / поговорка:

Покрај сувото гори и суровото ‒ (посл.) покрај виновниот страда и невиниот.