толку

Значење на толку:

1. Во таа мера, во таа количина, во тој број. Колку ќе тежи, толку ќе платиш. Колку учиш, толку знаеш. Колку лета, толку години.

2. Во голема мера, многу. Толку пари имаше, а живееше како питач. Ништо не се гледа, толку е темно. Толку сакаше да го види брата си. Сето тоа е толку вешто смислено. Толку чекање, толку зборување, вака ќе биде, така ќе биде, и ... ништо.

3. До таа мера, до тој степен, како што е нешто. На крајот на денот тој сработуваше толку колку што сработуваа и најпргавите селани. Толку те бидува. Тие и не се толку виновни.

4. Само, едвај. Толку, една недела поседе и замина.

Фразеолошки израз / поговорка:

До толку ‒ премногу.