тропне

Значење на тропне:

1. Произведе звук со удирање на нешто, при движење и сл. Тој тропна со бастунот по подот. Тропнаа златниците на маса. Детето тропна со нозете. Тропнаа коњите во плевната.

2. Чукне (на врата, прозорец и сл.). Некој силно тропна на врата. Ќе дојдеш вечерва и ќе тропнеш на прозорецот.

3. За срце – почне да бие, пулсира. Го покани внатре момчето и ѝ тропна срцето.

4. (прен., разг.) Каже нешто неразумно, непромислено, неумесно, глупост. Ќе тропне колку за да каже нешто.

Коњугација: (ќе) тропнеа , (ќе) тропнев , (ќе) тропнел, тропнаа , тропнав , тропнал , тропнат , тропнат , тропнете , тропни .

Изведени зборови:

• тропнува, глаг. несв. тропнуваат , повт.
• тропнување, глаг. им. ср.

Фразеолошки израз / поговорка:

Тропне на маса – (разг.) покаже надмоќ.