тупа

Значење на тупа:

1. Удира, чука. Соседите на горниот кат цел ден тупаат.

2. Тресе прашина од нешто со тупалка. Ги тупаше килимите со тупалката.

3. Прави куси чекори на мал простор. Го чека на постојката и тупа со чизмите. Коњите тупаа, фрчејќи.

4. За срце – чука, бие силно, забрзано. Трчаше, трчаше и застана, а срцето тупа ли тупа, мир нема. Од страв срцето му тупаше.

5. За тапан – чука, бие. Свирките свиреа, а тапанот тупаше.

6. Удира со рака по рамо, по плеќи, рамномерно, полека; тапка. Мајката го тупаше детето по грбот да му престане кашлањето.

Коњугација: тупаат.

Изведени зборови:

• се ~ тупа, Се удира, се чука со раката по рамо, по плеќи. Разговараа и се тупаа.
• тупање, глаг. им. ср.

Фразеолошки израз / поговорка:

Се тупа в гради – се фали, се гордее. Тупа во место – не покажува резултати.