удави

Значење на удави:

1. Одземе живот некому спречувајќи му го дишењето, задуши, задави со раце, јаже, заби и сл. Злосторникот ја удавил жртвата со рацете. Мачорот ги удавил мачињата.

2. Задави, задуши некого во вода. Тој го повлече во водата момчето и го удави. Детето ја удави мачката во барата.

3. (прен., жарг.) Здодее, досади некому со здодевно, излишно зборување. Тој го удави друштвото со неговите проблеми.

4. (разг.) За предмет - потопи. Ја удавил кофата во бунарот. Ги удави цвеќињата во вода.

Коњугација: удават.

Изведени зборови:

• се ~ удави, Изгуби живот со давење во вода. Таа се удавила во реката. Момчето се удавило фрлајќи се во езерото поради несреќна љубов.
• (се) удавува, глаг. несв. (се) удавуваат
• удавување, глаг. им. ср.

Фразеолошки израз / поговорка:

Ќе го удави во капка вода (чаша, леген) ‒ ќе го уништи, го мрази, не го поднесува.