утре

Значење на утре:

1. Денот што доаѓа по денешниот, по денес. Дојди утре. Утре ќе се видиме. Утре на пладне. Утре изутрина.

2. Во блиска иднина. Треба да се мисли и за утре. Утре немој да речеш дека не си видел. За нас нема утре.

3. Како им. утрешнина, иднина. За нашето посреќно утре. Шеесет години идело утрето.

Фразеолошки израз / поговорка:

Со денеска со утре ‒ ден по ден. Денеска нè има, утре нè нема/ денес си, утре не си ‒ животот е краток, сè е минливо, утре може ќе нè нема. Никој не знае што го чека утре ‒ никој не си ја знае судбината. Што можеш за денес не оставај за утре! (посл.) ‒ најдобро е работите да се вршат веднаш, да не се оставаат за подоцна. Денес ‒ утре ‒ сп. денес. Живее од денес(ка) до (за) утре ‒ сп. денес. Утре сабајле ‒ сп. сабајле.