верен

Значење на верен:

1. Што е предан, приврзан, постојан во пријателството, во поддршката, во послушноста и сл. Верен другар. Верен слуга.

2. Што потполно одговара на тоа што го претставува; точен, соодветен. Нивните документи не даваат верна слика. Тој даде верен опис на надворешниот лик на комитата.

3. Што е вистинит, веродостоен. Знаеше дека тие зборови што ги изговори со страв, не се верни на она што навистина се случи.

Членувана форма: верниот.

Изведени зборови:

• верно, прил. Тој верно и предано му служеше на господарот. Колку било верно, никој не може да тврди.