виши

Значење на виши:

1. Расте во височина. Крушата виши како луда.

2. Се крева, лета нагоре, во височините. Гулабите вишеа кон облаците.

3. Стои издигнат, висок. Пред портата на манастирот вишеше орев.

4. Прави, тера некого или нешто да се крева (да лета) нагоре високо (во височините). Комшијата ги вишеше гулабите.

Коњугација: вишат.

Изведени зборови:

• се ~ виши, 1. Расте во височина, станува сè повисок. Од година на година се вишел синот пред очите на мајка си. 2. Се крева, лета нагоре сè повисоко, во височините. Едрилицата се вишеше нагоре. Од оџакот на самотната куќичка се вишеше чад. 3. Се издига, се истакнува, се изделува со својата височина. Кулата се вишеше во долниот крај на селото.