залаже

Значење на залаже:

1. Почне да лаже; лаже. Само што ја отвори устата и залажа.

2. Подмами, со лаги и итроштини наведе некого на нешто или убеди во нешто; заведе, занесе. Ти ме залага да ја купам оваа куќа. Тој ја залажал со празни ветувања.

3. а) Му го одвлече непожелното внимание на некого од едно нешто, свртувајќи му го на друго нешто, во друг правец. Десетината го залажа непријателот за да излезе бригадата од обрачот. Еден од играчите го залажа голманот и постигна гол. б) За дете – забави, заигра. Таа го залажа детето со бонбони. Ја наполни торбата со сливи за да ги залаже децата.

Коњугација: залагаа и залажав , залагав , залагал и залажал , залаган и залажан , залажаа , залажат , залажете , залажи , (ќе) залажеа , (ќе) залажев , (ќе) залажел.

Изведени зборови:

• глаг. несв. (се) залажува, (се) залажуваат/(се) залагува, (се) залагуваат
• се ~ залаже, 1. Почне да се лаже себеси или еден со друг. Јас се обидувам да се залажам дека сум те заборавила. Ние се залажуваме дека можеда живееме заедно. 2. Привидно се задоволи, се утеши. Понекогаш во друштво ќе се залажеме за миг, ќе ни се стори дека не сме сами. 3. Се занимава, се забавува со нешто. Некое време децата се залажаа. 4. (дијал.) Почне да води љубов. Ерген и мома се залагаа ли, таа е сериозна работа.